’s Christbaumzeug

Am Dachbodn in an dunklen Eck Zwischen Spinnwebn versteckt, steht wia jedes Jahr bereit, da Koffer mit ’m Christbaumzeug. Da drinnen, gwicklt in Papier Glänzt d’ Weihnachtszeit entgegn dir. In buntn Farbn schimmern gar Goldlametta, Engelshaar, Kugln, Glockerln, goldne Stern Und a kloane Glaslatern, a Weihnachtsmann auf sein rotn Schlittn und d’ Baumspitzn dort in der Mittn. Alls einghüllt in an Hauch von Flitter, und da und durt a kloaner Splitter. Ja, da drin hat se gsammlt gar manch guates und manch traurigs Jahr. A Wiagnliead, a Kindheitstraum spiagln se jedes Jahr am Baum. Des is a eigne kloane Welt, de kunntst net kaufn um vül Geld. Drum acht ma jo so bsunders drauf und hebt damit d’ Erinnerung auf. Weil der Schmuck, der verliert koan Wert, wos des Lebn dir a bschert. All de Kugln, jeder Stern – Kunntst nur in se einihörn, könntn dir so vül dazähln über d’ Weihnachtszeit, wia s’ früher gwesn. Doch wia man se a einidenkt und fragend den Blick auf de Kugln lenkt, der Schmuck, der hüat ewiglich sein Geheimnis, bis er bricht.