Türchen Nummer 16:

“Kecks bacha tan ma”

(Bild: Evelyn Hronek)

Für das heutige 16. Türchen des "Krone"-Online-Adventkalenders schickte uns Waltraud Grabner ein Kärntner Gedicht über das Keksebacken in der Weihnachtszeit. Wer ebenfalls ein vorweihnachtliches Gedicht oder eine besondere persönliche Geschichte aus dem vergangenen Jahr im Online-Adventkalender veröffentlichen möchte, schickt bitte eine E-Mail mit Name und Foto an [e-mail]. Als kleines Dankeschön gibt es ein druckfrisches "Krone"-Schlagzeilenbuch 2016.

D`Muatta sagt, Kecks bacha tan ma heut, kinnt`s ma helfen Kinda wann`s euch gfreit. D`Freud war groß und mir hab`m gwisst, dass jetzt bald Weihnacht`n is. Keck`s san halt schon vorher schon sovüll guat, aber d`Muatta sagt, dass ma des net tuat. Ab und zua ganz verstohl`n gengan d`Kinder do oans holn.

Ja siacht`dann d`Muatta, schimpft`s und schment`s schaut`s schnell dass aussi kemmt`s. De Kecks wird`n halt guat versteckt dann, so dass koana mehr finden kann. Da nutzt des ganze Suacha nix, die Kecks san wirkli weg verflixt.

Und Kinda frag`n d`Muatta wo kinnant`s denn sei, drauf sagt sie mit an schmunzeln, ja mei. S`Christkindl is kemma und hat`s schnell ghollt, weil man et vorher oiweil nasch?n soll. Da schaun die Kinda ganz verzagt, und hats sunst a nu was gsagt? Ja sagt Muatta und schaut ganz ernst dann drein. Schön brav sollt`s sei.

Net oiweil streit`n und kecksnaschn, des san gar koane schen Sach`n. Wann ois klappt und ihr reißt`s euch zaum, wird`s die Kecks z`Weihnacht`n wieder hab`m. Am Heiligen Abend dann auf d`Nacht, d`Muatta grad d`Vorhäng zua macht, schreit`da schaut`s her aber glei i glaub s`Christkindl fliagt vorbei.

Zuwi zum Fenster und d`Nas`n fest zuwi druck`n, so miasst`s beim Fenster aussi guck`n. Ja wirklöi schreit dann da Bua voll Freud, dort fliag`s mit ihrn glänzadn Kleid, und so liacht und so hell is schau i moa glei des muass wohl da Heilignschei sein. Da sagt d`Muatta, schaut`s eini in d`Stub`m und lacht, i glaub, da hat`s s`Christkindl was bracht.

Die Kinda rennan eini, die Aug`n ganz groß, was is denn da drin los? A`Christbam hell und leuchtat volla Schimma, steht in den kloan düstren Zimma. Und glanzad wird`n die Kinderaug`n wias auf die Kecksschachtl schaun. Mei sag`ns s`Christkindl hat halt net vergess`n, dass mia die Kecks soviel gern ess`n. Wias wohl da tan hat?

Daß die Schachtl vom Hümmö her bracht hat? Dankschen sag`n die Kinder und jetzt is gwiß, dass de Keckszeit halt nur auf Weihnacht`n is.